Sot në Tiranë, Shqipëri, u zhvillua një ngjarje “Programi Y+: Ngritja e Barazisë dhe Sjelljeve Jo të Dhunshme” organizuar nga CARE Balkans dhe partnerët e tij të mbështetur nga Agjencia Austriake për Zhvillim.
Maja Dimitrijevic, menaxhere e projektit, hapi panelin e parë të diskutimit në ngjarjen e përbashkët ndërmjet Kosovës dhe Shqipërisë dhe foli për nevojën e programit Y+ për të trajtuar stereotipet gjinore dhe parandalimin e dhunës me bazë gjinore dhe dhunës në përgjithësi
Koordinatorja e projektit Rita Berisha tha: “Programi Y+ ofron një mënyrë të re inovative të punës me të rinjtë në rrezik duke i bërë ata të përbrendësojnë vlerat e barazisë gjinore dhe duke promovuar sjellje jo të dhunshme”.
Zëvendësministri i Drejtësisë në Kosovë z. Blerim Sallahu dhe Zëvendësministri i Drejtësisë në Shqipëri z. Klajd Karameta folën për bashkëpunimin me CARE International Balkans dhe shprehën mbështetjen e tyre për projektin dhe përshëndetën punën që organizatat tona partnere Act for Society, SIT dhe YMCA që po bëjnë në vendet e tyre përkatëse.
Ambasadori i Austrisë në Shqipëri, Dr. Christian Steiner, tha se është i lumtur që është këtu për të mbështetur punën tonë dhe bashkëpunimin e të dy ministrive në Kosovë dhe Shqipëri për të shkëmbyer praktikat më të mira.
Pjesëmarrësit patën gjithashtu mundësinë të dëgjojnë historinë e një prej përfituesve të programit Y+ në institucionet korrektuese dhe përvojën e tij gjatë kohës që ishte në institucion.
Duam t’i falënderojmë të gjithë që u bashkuan me ne në këtë diskutim të Programit revolucionar të sinkronizuar gjinor Y+ dhe presim me padurim arritjet e reja të këtij programi.
#Fuqizimiitërinjëve #BaraziaGjinore #NdryshimiPozitiv #YMI #CARE #Y+
Supported by
