Në qershor të këtij viti, ne festuam Ditën e Baballarëve për të nderuar baballarët dhe për të festuar atësinë, lidhjet atërore dhe ndikimin e baballarëve në shoqëri.
Rreth katër deri në pesë burra në të gjithë botën do të jenë baba në një moment të jetës së tyre. Dhe pothuajse të gjithë burrat e botës kanë disa lidhje me fëmijët si njerkë, vëllezër, xhaxhallarë, gjyshër, mësues, mentorë, trajnerë ose thjesht si miq. Partnerët tanë, Status M nga Zagreb, Kroaci dhe Qendra ACT for SOCIETY nga Tirana, Shqipëri përgatitën disa aktivitete interesante në rrugë.
Studentët e shkollave të mesme në rrugët e Zagrebit flasin (dhe vallëzojnë) për atë që do të thotë të jesh burrë i vërtetë
Në ditën e fundit e shkollës, më 14 qershor ndodhi një spektakël shumëngjyrësh dhe i zhurmshëm në qendrën e qytetit të Zagrebit. Studentët dhe mësuesit e Klubit Bëhu Burrë në dy shkolla të mesme të Zagrebit, së bashku me ekipin e Statusit M, vendosën një stendë në sheshin kryesor të qytetit dhe shpërndanë kartolina për kalimtarët, duke i nxitur ata të shkruajnë një mesazh fuqizues për një person që ata njohin.
Qytetarët gjithashtu patën një mundësi për të nënshkruar Deklaratën e Burrit të Vërtetë. Deklarata thotë se burri i vërtetë nuk është i dhunshëm, kurrë nuk përdor grushta ose fyerje dhe kupton që dhuna me bazë gjinore është një problem masiv të cilin ai është i gatshëm ta kundërshtojë. Burri i vërtetë lufton për barazinë gjinore dhe të drejtat e grave dhe ai e pranon se shikimi i verbër ndaj dhunës së kryer nga të tjerët është po aq e rrezikshme sa vetë kryerja e dhunës.
Pavaresisht diellit të ndritshëm dhe temperaturave djegëse, dhjetëra qytetarë vizituan stendën, biseduan me studentët dhe nënshkruan Deklaratën, duke shprehur kështu në mënyrë simbolike angazhimin e tyre ndaj parimeve të jo- dhunës dhe pro – barazisë. Një tipar i veçantë i aksionit publik ishte rutina hap-valle që studentët përgatitën, të cilat tërhoqën duartrokitje dhe brohoritje nga turma e mbledhur.
Karta me Keshilla Prindërimi për Baballarët zëvendësojnë gjobat e makinave në Tiranë!
Për të shënuar këtë ditë kushtuar figurave atërore të rëndësishme në jetën e secilit, Qendra ACT for SOCIETY organizoi një aktivitet me disa familje, duke stimuluar një komunikim të hapur midis tyre. Të rinjtë, anëtarët e Klubit Bëhu Burrë, i ftuan baballarët dhe nënat e tyre të kalojnë ca kohë në shoqërinë e njëri-tjetrit. Gjatë këtij diskutimi prindërit dhe të rinjtë folën për stilet e prindërimit dhe shkëmbyen përvojat e tyre me njëri – tjetrin.
Pas takimit, të rinjtë dolën për aktivitet sensibilizuese për këtë ditë. Ata biseduan me baballarët për rëndësinë e të qenit prind i përfshirë në jetën e fëmijëve të tyre dhe shpërndanë disa karta me ’16 Këshillat se si të jesh një baba i mirë ‘, krahas veprimit në rrugë, të rinjtë filluan të vendosnin kartat në makina të cilat dukeshin si gjoba makinash, për të tërhequr më shumë vëmendje.
Të dy aktivitetet u organizuan në kuadër të projektit “Burrat dhe djemtë si partnerë në promovimin e barazisë gjinore dhe parandalimin e ekstremizmit të dhunshëm midis të rinjve në Ballkan”, i zbatuar nga CARE International në Ballkan dhe partnerët dhe i mbështetur nga Fondacioni OAK dhe Agjencia Austriake për Zhvillim.
#YMI #CareInternational #CARE #ProgramY #AustrianDevelopmentAgency #OAKFoundation
Supported by
